Cristiano Ronaldo ka qenë protagonist i transferimit të shekullit, me kalimin nga Real Madrid te Juventus për më shumë se 100 milionë euro. Një operacion që, duke marrë parasysh statusin e futbollistit më popullor në planet dhe pesë herë fitues i Topit të Artë, i ka sjellë një rritje të konsiderueshme të pagës në kontratën e firmosur me Juven.
Sa është paga e Ronaldos?
Cristiano Ronaldo ka firmosur një kontratë deri në vitin 2022 prej 31 milionë euro në vit. Kjo shifër e bën atë lojtarin e tretë më të paguar në botë, pas Neymar me 36 milionë dhe Messit me 46.
Cilët janë sponsorët e CR7?
Marrëveshja më e rëndësishme e sponsorizimit është me Nike. Cristiano Ronaldo është sportisti i tretë që ka nënshkruar një kontratë "përjetë" (prej rreth 24 milionë në vit) me markën amerikane, pas kampionëve të NBA Michael Jordan dhe LeBron James. Ndër markat e tjera që kanë zgjedhur CR& janë EA Sports, Clear Shampoo, HerbaLife, PokerStars, Samsung, TAG Heuer dhe Toyota.
Cilat janë kompanitë e Cristiano Ronaldos?
Cristiano Ronaldo ka krijuar markën e tij të veshjeve me akronimin CR7. E krijuar fillimisht si një linjë të brendshmesh, gradualisht u zgjerua gama e produkteve, nga këpucët e deri te parfume. Kohët e fundit, Cristiano Ronaldo ka investuar në një zinxhir hotelesh ekstra-luksoze, Pestana CR7: për momentin ka vetëm dy struktura (një në Funchal dhe një në Lisbonë), por të tjerat janë planifikuar në Madrid dhe Nju Jork. Ai gjithashtu zotëron një seri palestrash, të dalluara nga marka CR7 Fitness.
Sa ndjekës ka CR7 në rrjetet sociale?
Cristiano Ronaldo është sportisti më popullor në rrjetet sociale. Pas emrit të tij është një perandori me rreth330 milionë ndjekësish të ndarë: 134 milionë në Instagram, 122 milionë në Facebook dhe 74 milion në Tëitter. Numra prej superstari absolut, i nivelit planetar.
Sa është pasuria neto e Cristiano Ronaldos?
Askush nuk mund të konfirmojë me siguri shifrën e saktë, por vlerësohet se kapitali është midis 230 dhe 290 milionë euro. Sipas Forbes, Cristiano Ronaldo ka fituar më shumë se çdo sportist tjetër në 2017: 93 milionë dollarë, më shumë se LeBron James (86) dhe Leo Messi (80).
