Eden Hazard nuk fshihet por deklaron se është lojtari më i mirë i Botërorit. Por autori i golit të dytë në fitoren e sotme 2-0 të Belgjikës ndaj Anglisë, në sfidën për vendin e tretë në "Rusi 2018", thekson se nuk është optimist për shanset e tij.
"Ne do të përpiqemi të kthehemi më të fortë. Tani e dimë se çdo të thotë të humbasësh në gjysmëfinale. Franca humbi dy vjet më parë në finale. Shpresoj se do të luajë një lojë të bukur nesër. Do të shohim një ndeshje të mirë futbolli, dhe le të fitojë më i miri! Lojtari më i mirë i Kupës së Botës? Do t'ia jepja vetes këtë vlerësim, por nuk jam unë ai që vendos".
