Nëse Kukësi kërkon të marrë stafetën e Skënderbeut në dominimin e futbollit në vend, nuk është kjo mënyra e duhur. 0-0 në Loro Boriçi jo vetëm ka komplikuar çështjen kualifikim në Champions, por ka shfaqur limitet e një skuadre të paformuar, ku në 5 lojtarët e rinj të ingranuar në taktikat e Pacult, vetëm Qaqi e deri diku Plaku mund të kenë shpëtuar fytyrën.
Tekniku insistoi në 4-3-3 që mund të funksionojë në mendjen e tij, por jo në tapetin e stadiumit të Shkodrës, me lojtarë te improvizuar në role jo natyrale si Zguro nga mbrojtës i majtë në wing, apo Cyrbja që aq i spostuar nuk kishte luajtur kurrë. Rezultati: krosime nga fundorja fare pak e madje kur vinin ishin fare të pafuqishëm, pre e lehtë e mbrojtësve të Valetës.
Mesfusha u tregua e paaftë të asistojë sulmin e repartet ishin te ndara dhe pa mundur të bëjnë diferencën mbi një mesfushë me 5 lojtarë të maltezëve.
4-3-3 u duk i dështuar dhe tekniku i nervozuar me atë që prodhoi skuadra, e me atë që mund të mendojë presidenti Gjici në rast eleminimi.
