Është një ditë vendimtare për cështjen e vitit: Mendes dhe Perez në takim në Madrid, ndërsa Cristiano Ronaldo ndodhet ende në Greqi. Pikërisht afër vendit ku po pushon ylli portugez do të mbërrijë presidenti i Juventusit Andrea Agnelli, i cili që nga Pisa ka fluturuar me një avion privat në mëngjes.
Ditët e fundit janë shkëmbyer letrat në tavolinë, por takimi I vërtetë mes tre të interesuarve direkt nuk ka ndodhur ende: Mendes po punon për të zhbllokuar lamtumirën e Cristiano Ronaldos me presidentin e Real Madrid, Juventusi kërkon t’i konfirmojë lojtarit vullnetin për ta patur në radhët e tij për katër vitet e ardhshme.
Agnelli është fotografuar duke hipur në avion nga Pisa: drejtimi Aeroporti ndërkombëtar i Kallamatës, thënë ndryshe disa km larg rezortit ku Cristiano Ronaldo po pushon me familjen e tij që nga java e kaluar, në pritje të lajmeve të mira nga bota bardhezi.
Juventusi mbetet gjithmonë mes ofertës 100 milionë euro dhe një tjetre prej 120-150 me të cilën Perez mund të lërë të lirë klientin e Mendes: lojtarit sic raportohet ditët e fundit do t’i jepeshin 30 milionë euro neto deri më 2022. 9 milionë më shumë krahasuar me pagën që aktualisht merr në Madrid.
Perez vazhdon të pretendojë që ishte Cristiano Ronaldo ai që u prezantua në konferencën e shtypit duke i lajmëruar tifozëve të zhgënjyer lamtumirën e tij ndaj Real Madrid: edhe për këtë motiv Mendes do të flasë me presidentin e Los Blancos për të sqaruar situatën.
Ndërkohë të premten ka patur një bisedë disa minutëshe mes Allegrit dhe Cristiano Ronaldos: trajneri i Juventusit dhe sulmuesi i Real Madridit kanë folur në telefon në pritje për të kuptuar nëse transferimi do të bëhet realitet në ditët që vijnë.
