Ideja e ngujimit brenda në teatër doli nga Robert Ndrenika. "“Nëse ndodh që godina e teatrit shembet, unë nuk do të tretem në gropë, por do të shtrihem atje”, ishte deklarata e fortë e aktorit në një takim me Ministren e Kulturës, Mirela Kumbaro dhe kryebashkiakun Veliaj.
Ndrenika kishte qenë dëshmitar i takimeve të Edi Ramës me aktorët, 20 vite të shkuara. E dinte se e keqja e teatrit vinte nga trualli në pronësi të bashkisë dhe prona publike në pjesën e pasme të tij, ku ndodhet një sipërfaqe e madhe toke, e lakmuar nga çdo ndërtues. Prandaj kur të gjithë flisnin për teatrin, Ndrenika i mëshonte pazarit me kompaninë private, atë që me ironi e përmendte si PPP (Partneriteti Publik Privat).
https://www.youtube.com/watch?v=fnY9fn0d1XQ&feature=youtu.be
Ideja për t'u ngujuar në godinë, si formë rezistence ndaj ruspave të qeverisë, u përmend vazhdimisht gjatë protestës së Aleancës për Mbrojtjen e Teatrit. Artistët paralajmëruan përshkallëzimin e protestës, para se ligji të miratohej në parlament.
U përmend në protesta edhe greva e urisë, por ky opsion u hodh poshtë nga Elert Çeloaliaj, aktor dhe anëtar i Shoqatës së Artistëve të Skenës dhe Ekranit, që tha se kjo nuk do të ndodhë.
"Nëse miratohet ligji do të kthehemi në teatër, mos t'u shkojë mendja për grevë urie, sepse unë i pari nuk rri në grevë urie. Por, do të shkojmë tek sheshi i teatrit dhe do të komunikojmë për masat që do të marrim. Grevë urie nuk ka, mund të ketë përshkallëzim protestash ose edhe për ngujim kemi diskutuar" u shpreh ai, gjatë protestës para parlamentit.
Pas miratimit të projektligjit shpresa e artistëve që kundërshtojnë prishjen e teatrit, është se presidenti Ilir Meta do t'i përkrahë. Me një letër drejtuar kreut të shtetit, do të kërkojnë mosdekretimin e ligjit që i hap rrugë shkatërrimit të teatrit.
Një hap tjetër, do të jetë kërkesa për angazhimin e ekspertëve të huaj për të pëcaktuar, nëse vërtet godina është e amortizuar deri në pikën sa mund të shembet, apo ekziston ende mundësia që ajo godinë të mund të rikonstruktohet.
Në fund mbetet ngujimi, një vendim që vështirë se do ta ndalë grabitjen tashmë të ligjëruar në parlament, por që do të jetë një dëshmi e rezistencës ndaj vjedhjes së paskrupullt për të nxjerrë akoma më qartë fytyrën e grupit të hajdutëve që na qeverisin.©Lapsi.al
