Shqipëria është shkundur sot nga një tërmet i fuqishëm 5 ballë. Lëkundja ka qenë aq e fortë sa ka alarmuar njerëzit të cilët kanë dalë të tmerruar nga shtëpitë, kafenetë dhe zyrat ku punonin. Epiqendër e tërmetit ka qenë fshati Perlat në zonën e Shijakut.
Por një nga tërmetet më të rënda në historinë e vendit tonë është ai i 30 nëntorit të vitit 1967. Ky tërmet do të prekte më së shumti Dibrën dhe Librazhdin, duke shkatërruar 177 fshatra dhe duke lënë pas 12 viktima e më shumë se 170 të plagosur. Pamjet filmike të dokumentarit të Kinostudios tregojnë jo vetëm pasojat e tërmetit por edhe mobilizimin e popullatës për të kapërcyer vështirësitë e krijuara.
