Adnan Januzaj shënoi golin vendimtar për kombëtaren belge në fitoren 1-0 ndaj Anglisë. Pas ndeshjes nuk e përmendi fare Kosovën, por në një intervistë për mediat belge, Januzaj ka pranuar prejardhjen nga Kosova dhe ka treguar se pse nuk preferoi të festonte me simbolin e shqiponjës, siç bënë Xhaka dhe Shaqiri.
“Unë nuk dua ta përziej futbollin me politikën. Unë preferova të festoj me tifozët dhe shokët e mi. Nuk e di mirë se a ishte një nga golat më të mirë në karrierë, por e di se ishte më i rëndësishmi. Unë dua ende të shënoj në këtë Kampionat Botëror. Por, trajner duhet të bëjë vendimet e tij”, u shpreh kosovari me pasaportë belge.
