Tani që Rama dhe qeveritarët e tin po bërtasin fitore për negociatat që nuk janë të sigurtë nëse do të hapen apo jo edhe qershorin e ardhshëm është mirë të kujtohet se ç'kanë thënë vetëm pak kohë më parë. Jo shumë larg në kohë, në një intervistë të 15 majit për Euronews, kryeministri shqiptar e quante një çështje jete ose vdekjeje hapjen e negocitave me BE gjatë samitit të brukselit që do të mbahet nesër. "Kemi nevojë të hapim negociatat në qershor. Vetëm kaq. Nuk duam asgjë tjetër. Vetëm të hapim negociatat, Europës kjo nuk i kushton asgjë, nuk do paguajnë asnjë qindarkë. Për ne është çështje jete ose vdekje, në kuptimin që hapja e negociatave për ne do të thoshte të kalonim në të ardhmen dhe ta linim pas më në fund të shkuarën” i ka thënë Rama televizionit me seli në Lion (shiko faksimien e intervistës në italisht, poshtë).
Por negociatat nuk u hapën këtë qershor dhe as nuk dihet se sa do të shtyhen. Por megjithëatë, Rama që një muaj më parë e konsideronte këtë si vdekje tani flet për fitore.
©Lapsi.al
