Ka ngjallur shumë dyshime dhe ka ngritur shumë hipoteza një deklaratë e Lulzim Bashës drejtuar Edi Ramës me rastin e dështimit të hapjes së negociatave të BE-së me Shqipërinë këtë qershor. Pasi foli me tone të ashpra për këtë disfatë të kryeministrit, pasi përmendi refrenin e zakonshëm të drogës, krimit, Ministrave të brendëshëm të implikuar dhe parave të zeza që vijnë në Shqipëri për tu pastruar, lideri i demokratëve la të kuptohet se hapja e negociatave është në rrezik edhe pas një viti, nëse vendi nuk bën një kthesë të madhe.
Lexo më tej:
Andi Bushati: Rama nuk arriti të hapë negociatat, por ia doli të shmangë turpërimin
Por ajo që bëri çudi ishte shprehja e Bashës: “Së bashku duhet të vendosim për këtë kthesë të madhe dhe t'i japim formë”.
Në këtë frazë plot ambiguitete, dikush natyrisht mund të mendojë se zgjidhje janë përshembull zgjedhjet e parakohshme, dikush tjetër se ajo mund të parashikojë përmirësimin e qeverisjes.
Por ftesa e Bashës për këtë kthesë të madhe të shoqëruar nga fjala “së bashku” pra edhe me pjesmarrjen e opozitës krijon keqkuptime që lënë të mendosh për një marëveshje si ajo e 18 majit.
A mos është kjo deklaratë e Bashës një ftesë për një koalicion të madh të përbashkët deri sat ë happen negociatat? A mos po kërkon ai bashkëqeverisje me Rilindjen? A mos po përligj ai zërat e krtitikëve të tij që e akuzojnë se i ndërgjegjshëm që është i paaftë për të fituar, Basha kërkon dëshpërimish një zgjidhje për tu bërë pjesë e qeverisë?
Të gjitha këto hamendësime do të vazhdojnë të gëlojnë deri sa lideri demokrat të denjojë të shpjegojë se ç’nënkuptonte me shprehjen shumë kuptimshe: “një kthesë të madhe së bashku”.
©Lapsi.al
[video width="1280" height="720" mp4="https://cdnimpuls.com/lapsi.al/wp-content/uploads/2018/06/Basha-upload.mp4"][/video]
