Lojtari me origjinë nga Kosova, Blerim Xhemaili shënoi golin e parë për Zvicrën në barazimin 2-2 përballë Kosta Rikës.
Ajo që ra në sy të të gjithëve ishte festa e tij.
Ndryshe nga Shaqiri dhe Xhaka ai nuk festoi duke bërë shqiponjën, por duke ngritur dy gishta lart.
Mungesa e shqiponjës lidhet me një vendim që kanë marrë lojtarët e Zvicrës për të mos e përsëritur gjestin e bërë në ndeshjen me Serbinë për të evituar penalitetet.
Kuptimin e festës së Xhemailit e shpjegoi ish-bashkëshortja e tij Eriona e cila bën tashmë rolin e komentatores në TVSH.
“Ai ka bërë një gol tipik nga ato që bën Blerimi. Gjesti i tij është krijimi me 2 gishta i shkronjës “L” që është e para e emrit të djalit tonë, Luanit” – tha Eriona që nuk i kurseu edhe batutat kur e pyetën nëse u kënaq që shënoi ish-bashkëshorti i saj.
“Normal që u kënaqa. Jam shnosh i fije prej kënaqësisë” – tha ajo duke shkaktuar të qeshura në studio. ©LAPSI.al
https://cdnja.r.worldssl.net/mp4/7k/7KdM.mp4
