Ditët e shënuara e sidomos ajo e lindjes, bëhet më e bukur falë miqve dhe personave të veçantë që të rrethojnë. Ata e bëjnë të paharrueshme çdo festë, bashkë me surprizat, dhuratat e momentet speciale të kaluara së bashku.
Kështu, modelja shqiptare me famë botërore Xhesika Berberi feston sot ditëlindjen. E zhvendosur për të jetuar në Shtetet e Bashkuara të Amerikës, ajo e ka kaluar në një super atmosferë ditëlindjen e saj, e rrethuar nga shoqet e ngushta, modelet e njohura Megi Ndokaj dhe Adrola Dushi, si edhe disa të figura të tjera të huaja të modelingut.
Festa ka nisur në pishinë, me shampanjë e një tortë të vogël, ndërsa më pas është mbyllur në një nga night club-et më të famshme në Amerikë, ku këngëtarja e mbrëmjes që ka performuar live ka qenë Era Istrefi. Edhe aty ka vijuar një tjetër surprizë, mes fishekzjarreve të shumtë dhe një tortë me një urim special.
