Zvicra, Brazili e Serbia, të gjithë në lojë për tu kualifikuar në 1/8 e finaleve në vigjilje të ndeshjeve të fundit në Grupin E. Në fakt, në strategjitë e skuadrave, në këtë rast dyshja kryesuese, është futur ankthi mos përballë gjendet Gjermania.
Për vendin e parë Brazilit mund të mos i mjaftojë fitorja...
Brazili me 4 pikë, në vendin e parë, për tu kualifikuar në 16 më të mirët do ti mjaftonte edhe barazimi me Serbinë, por për tu renditur të parët verdhejeshilët duhet të fitojnë. Ballkanasit, të tretët me 3 pikë, vetëm një pas dyshes kryesuese, duhet të bëjnë mrekullinë dhe të mundin 5 here kampionët e botës, duke i eleminuar që në fazën e grupeve, në rast se në ndeshjen tjetër Zvicra barazon ose fiton me Kosta Rikën.
Goleada i jep kreun Zvicrës...
Nuk duket e pazgjidhshme kreu I grupit për Zvicrën, por helvetët duhet të fitojnë me goleadë në ndeshjen e fundit. Përballë është Kosta Rika e eleminuar dhe ndoshta shumë më tolerante dhe më pak difensiviste se zakonisht. Në këtë rast diferenca e golave më e mirë se e Brazilit do ti nxirrte të parët Shaqirin dhe të tjerët, por është një pozicion që mund të kthehet edhe në boomerang.
