Kosova është gati të paguajë gjobat e vëna nga Fifa për Granit Xhakën, Xherdan Shaqirin e Stephan Lichtsteiner. Vendimi është marrë pasi Federata Ndërkombëtare e Futbollit sanksionoi tre futbollistët e Zvicrës për festim provokator në ndeshjen e fituar me Serbinë.
Xhaka dhe Shaqiri, e bashkë me ta edhe ish-lojtari i Juventus kanë festuar duke bashkuar duart në shenjën e simbolit të shqiponjës dykrenare të Shqipërisë. Një mënyrë festimi e konsideruar provokuese nga Federata Serbe.
Të dy shënuesi e Zvicrës në ndeshjen me Serbinë janë me origjinë kosovare, ish-provincë serbe por me popullësi shqiptare, zyrtarisht e pavarur nga 2008 por kurrë e njohur nga Serbia. Pas protestave serbe Fifa vendosi 8.500 euro gjobë për Xhakën e Shaqirin për sjellje anti-sportive dhe 4000 euro për Lichtsteiner. Federata Zvicerane nga ana e saj nuk ka marrë asnjë masë disiplinore dhe tre lojtarët do të jenë rregullisht në fushë.
Në Kosovë ndërkohë janë aktivizuar për të paguar gjobat: një peticion online ka mbledhur më shumë se 12.000 euro dhe vetë Ministri i Tregtisë dhe Industrisë, Bajram Hasani, ka vënë në dispozicion rrogën e tij prej 1.500 euro. "Janë ndëshkuar sepse nuk harruar rrënjët e tyre, nuk harruan nga vijnë" deklaroi politikani për shtypin lokal, duke shtuar se kishte ndjerë një kënaqësi të madhe kur i pa të festonin në atë mënyrë kundër Serbisë.
