Renata Caci ose Luzja e famshme e “Portokallisë”, siç e njohin të gjithë, është përfolur jo pak në media e portale edhe për jetën e saj private. Lidhja dhe më pas ndarja me modelin Klinton Zeqiraj, u komentua gjatë edhe në mediat rozë asokohe, edhe pse vetë aktorja nuk deshi t’i komentonte publikisht arsyet e kësaj ndarjeje.
Megjithatë, zërave se Luzja mund të ketë diçka të re ne jetën e saj, u ka dhënë fund mbrëmjen e djeshme. E ftuar në Top Arena, Renata nuk i shpëtoi pyetjes direkte të Edi Manushit për jetën private: “Çfarë ka të re në jetën tënde, se më duket se diçka ka ndryshuar…” – i tha ai, por Renata iu përgjigj edhe duke i dhënë arsyen: “Jo, nuk ka asgjë të re. Unë single jam. S’të lënë këto 18-vjeçaret që kanë hyrë në treg…”, – tha aktorja me humor.
Kështu, pyetjes së Manushit për jetën personale, por edhe mediave e portaleve që kanë ngacmuar me titujt për jetën e saj, Renata ua ‘preu’ shpresat. Është vetëm dhe është e lumtur.
