Granit Xhaka dhe Xherdan Shaqiri rrezikojnë dy ndeshje skualifikim për festimin me simbolin "Shqiponja Shqiptare" pas golave të shënuar Serbisë në Botëror. Sipas "The Sun", FIFA ka hapur procedim disiplinor kundër dy futbollistëve Granit Xhaka dhe Xherdan Shaqiri për festimin e tyre me simbolin "Shqiponja Shqiptare".
Dy futbollistët e Zvicrës shënuan të dy në fitoren e Kombëtares së tyre 2-1 kundër Serbisë dhe festuan me simbolin e shqiponjës, të formuar nga duart e bashkuara.
Presidenti i Federatës Serbe të Futbollit ka kërkuar ndërmarrjen e sanksioneve nga qeveria e futbollit botëror, pasi dy yjet e Premier League bënë xhestin në fitoren e Kaliningrad.
Serbët të tërbuar duan që, dy futbollistët, të cilët festuan me duart e bashkuara, simboli i pavarësisë së shqipëtarëve, të dënohen me dy ndeshje pezullim sipas rregullores së Fifa-s, për "xheste provokative".
Kjo gjë mund të ndodhë në fakt, pasi bordi drejtues i futbollit botëror deklaroi: "Komiteti i Disiplinës i FIFA-s ka hapur një hetim kundër lojtarëve të Zvicrës, Granit Xhaka e Xherdan Shaqiri, për festimet e tyre pas golave të shënuar në ndeshjen mes Zvicrës e Serbisë."
Dy futbollistët me origjinë Kosovare nuk e kanë fshehur asnjëherë patriotizmin e tyre. Shaqiri madje kishte veshur në këtë ndeshje këpucë me dy flamujt Zvicrës dhe Kosovës, ndërsa mesfushori i Arsenal bërtit "Kosova" gjatë festimit për golin.
blob:https://www.thesun.co.uk/de0bf553-7fb8-4c1d-944c-46ec2a8b4a73
