Një nga largimet më të bujshme nga labeli On Records, ishte ai i Baby G, e cila fillimisht u tha se ishte larguar për shkak të sherrit me Mozzik, asokohe pjesë e kësaj kompanie.Arsyeja e vërtetë e largimit nuk u mësua kurrë, por pamë vetëm postime me armë dhe kërcënime.
Deri dje ujërat ishin të qeta, por pas këtij postimi të Baby G gjërat do të trazohen. Ajo ka postuar një foto kur ishte e vogël krah familjes dhe shkruan: “1995 – viti kur u ngjiza… 1996 – viti kur linda” “Mami dhe babi më kanë thënë, përsa kohë je vetvetja dhe je e vërtetë ne jemi krenarë. Përsa kohë kam familjen, jam kaq e pasur. Këtë e kupton kur unë bëj rep sepse unë nuk repoj për para, ti b*shtër e varfër”, – ka shkruar Baby G. Në një ditë tjetër ky do të ishte një postim normal. Ama dje, antarja më e re e On Records, Rina ka publikuar këngën “Ashiqare”, ku flet për pasuri, famë dhe për jetë luksoze. Labeli i saj po e trumpeton këngëtaren si reperen e parë në Shqipëri, por Baby G duket se ka pak kundërshtime.
