Meksika, në Rostov Arena, në sfidën e orës 17.00 do të kërkojë përballë Koresë së Jugut të hedhë një hap në 1/8 e finaleve në Rusi 2018. Ndërkohë, aziatikët synojnë tek suksesi për tu kthyer në garë për kualifikimin.
Osorio asnjë ndryshim kundër Koresë...
Meksika jeton nën krahët e entuziazmit pas triumfit ndaj Gjermanisë kampione e botës në fuqi, ndërsa Korea vjen nga një humbje me Suedinë në castet e fundit që djeg akoma. Osorio kërkon nga të tijtë të konfirmojnë sjelljen në fushë dhe mënyrën e lojës që zhvilluan kundër gjermanëve. Pas shpinës së Hernandez do të veprojë treshja e përbëre nga Lozano, Layun e Vela. Në mesfushë konfirmohen Herrera e Guardado, dndërsa përpara portierit Ochoa do të rreshtohen Salcedo, Ayala, Moreno e Gallardo.
Lee sërisht në pankinë, pritet difernca nga Son...
Pavarësisht humbjes me Suedinë, që me pak kujdes mund të ishte shmangur, tekniku Shin Tae-Yong duhet të prezantojë të njëjtën skuadër që zbriti në fushë kundër skandinavëve, e në këtë pikë për Seung-Woo Lee rezervohet edhe njëherë pankina. Sytë e Koresë janë të gjithë nga Son, lojtari i Tottenham është nga ata që mund të bëjnë diferencën.
