Starton ndeshja mes Belgjikës dhe Panamasë, e para për Grupin G, ku bën pjesë edhe Tunizia e Anglia.
Formacion yjesh për teknikun e Djajve të Kuq, Roberto Martinez, që nuk heq dorë nga asnjë prej lojtarëve të tij të rëndësishëm. Lukaku do të jetë në qendër të sulmit, i asistuar nga Hazard e Mertens. Vetëm pankinë për Januzaj.
Panamaja do të ketë debutimin më të vështirë të mundshëm, edhe pse tekniku Hernan Gomez do të provojë të bëjë të vlejë forcën e grupit përballë individualiteteve të europianëve.
