Pas fitores 2-0 ndaj Nigerisë, Kroacia ka marrë tre pikët si dhe kryesimin provizor të Grupit D. Skuadra e Zlatko Dalic ka mundur të shfrytëzojë më së miri frenimin përballë Islandës të Argjentinës me të cilën do të diskutojnë ndeshjen e dytë.
Pjesa e parë e takimi që u luajt në "Kaliningrad Stadium" ishte thuajse e ekuilibruar. Asnjë nga skuadrat nuk arriti të imponojë lojën e saj me Kroacinë që gjeti avantazhin falë një autogoli të Oghenekaro Etebo në minutën e 32'.
Priste shumë nga ai, por në minutën e 62' trajneri i Nigerisë Gernot Rohr nxjerr nga fusha e lojës kapitenin Alex Iwobi për ta zëvendësuar me Ahmed Musa. Nuk ndërron asgjë për kombëtaren afrikane dhe në të 71' Luka Modric shënon golin e dytë për Kroacinë nga pika e bardhë e penalltisë. Gjyqtari brazilian Sandro Meira Ricci akordon 11 metërsh për kroatët pas një mbajtje të Ekong ndaj Mandzukic në zonë.
Edhe pse nuk paraqiti lojën më të mirë, Kroacia udhëheq me tre pikë Grupin D. Pas saj renditen Argjentina dhe Islanda me nga një pikë secila, ndërsa mbyll renditjen Nigeria me 0 pikë.
https://streamable.com/mxant
