Ka humbur ndeshjen në minutën e fundit, por tekniku i Egjiptit, Hector Cuper, nuk është penduar që nuk e futi në fushë yllin e tij Mohamed Salah. "Salah nuk luajti sepse dëshironim të evitonim rreziqet, por mendoj se do të jetë mirë për ndeshjen e ardhshme ". Kështu trajneri argjentinas komentoi mungesën e sulmuesit të tij kryesor në ndeshjen e parë të Botërorit. "Dje ishim të sigurtë se do të luante. por në fund u ekzaminua në detaje dhe patëm dyshime se cfarë do të ndodhte nëse do të merrte ndonjë goditje, ose rrëzohej keq ", deklaroi ish-trajneri i Inter.
"Donim të evitonim cdo rrezik të mundshëm. kemi nevojë për të kundër Arabisë Saudita e Rusisë", tha Cuper. "sigurisht që është një lojtar i rëndësishëm, askush nuk mund ta mohojë, por nëse Mo do të luante mund të ishte e rrezikshme, edhe pse nuk mund ta dimë cfarë do të ndodhte ", përfundoi tekniku i zhgënjyer nga mënyra se si humbi ndeshjen e parë, por pa u dorëzuar në shpresat e tij për kualifikim.
