Para pak kohësh profilet e tyre në Instagram dukeshin si dy kampet e "Luftës së Ftohtë" dhe ofendimet dhe sharjet në distancë sa vinin edhe shtoheshin.
Ndonëse Blunt dhe Real 1 e ka akuzuar gjithmonë si një pseudo-artist nga ana tjetër Gjiko është shprehur shpesh herë se dyshja e sipërpërmendur e ka famën nga ai.
Jo vetëm në Instagram, por Gjiko nuk i ka kursyer akuzat dhe ofendimin për Blund dhe Real 1 edhe mbrëmjen e djeshme, i ftuar në emisionin “Top Show” ku ka deklaruar përsëri se reperat në fjalë janë bërë të famshëm prej figurës së tij.
“Le të vinë të mi japin ato pare se po më bëjnë reklamë. Le të paguajne që të flasin për ta. S’jam mërzit aspak nga kjo histori”, shprehet Gjiko në rrëfimin e tij.
