Që kur i tha botës se është bërë nënë, Kylie Jenner u përmbyt me komente abuzive dhe të pasjellshme online. Koha kaloi, kupa u mbush dhe Kylie fshiu nga Instagrami gjithë fotot ku dukej fytyra e të bijës.
Sipas një burimi të afërt, Kylie i fshiu fotot pasi është e tmerruar nga kërcënimet për rrëmbim. Është aq e tmerruar sa s’ka ndërmend të postojë më foto të të bijës dhe ka shtuar masat e sigurisë.
LEXO EDHE: Për një moment e humbëm: Kush është Kylie e kush është Kim?
“Kohët e fundit, Stormi del shumë rrallë jashtë shtëpisë dhe kur del është e rrethuar nga truproja të shumta,” thotë burimi. “Komentet në rrjetet sociale e quajnë Stormin të shëmtuar dhe e ofendojnë vazhdimisht. Disa prej tyre madje, kërcënojnë drejtpërdrejt ta rrëmëbejnë të voglën e Kylie-t.”
Tani për tani, në Instagramin e Kylie-t mund të gjeni vetëm foto të Stormit ku nuk duket fytyra, si puna e kësaj.
