Një ditë para takimit me Kim Jong Un, Donald Trump theksoi se beson që gjithçka do të shkojë shumë mirë.
Zyrtarë nga të dyja vendet u takuan në Singapor për të bërë përgatitjet e fundit për samitin e së martës.
Sekretari amerikan i Shtetit, Mike Pompeo, tha në një konferencë për media se përgatitjet “po ecin shpejt”.
Diskutimet midis Trumpit dhe Kimit pritet të përqendrohen në armët bërthamore të Phenjanit dhe përpjekjet për denuklearizimin e Gadishullit Korean.
Por, Pompeo tha se takimi i parë nuk pritet të sjellë ndonjë arritje të madhe dhe shtoi se ai duhet të shërbejë si kornizë për “punën e vështirë që do të pasojë”.
Ai tha se Koreja e Veriut duhet të arrijë denuklearizim të plotë, të verifikueshëm dhe të pakthyeshëm dhe se sanksionet nuk do t’i hiqen derisa kjo të mos ndodhë.
Lexo më tej nga Lapsi.al:
Prapaskenat/ Gjithçka që duhet të dini për takimin Trump-Kim Jong Un
“Nëse diplomacia dështon, këto masa do të rriten”, tha Pompeo.
Takimi në Sentosa të Singaporit do të jetë i pari midis një presidenti amerikan dhe një lideri verikorean.
