Pak javë më parë, e gjithë bota e muzikës u trondit për ndarjen e parakohshme nga jeta të DJ të famshëm, AVIÇI - një nga artistët që i dha shumë jo vetëm muzikës, por të gjithë botës së artit. Hitet e tij dhe bashkëpunimet me këngëtarët më në zë kanë pushtuar diskotekat dhe kanë regjistruar miliona klikime. Ndarja e tij e shpejtë nga jeta ishte një tronditje edhe për fansat në mbarë botën.
Pas shumë dyshimeve për arsyet e vdekjes, TMZ ka shkruar së fundi se është bërë publike edhe certifikata e vdekjes. Edhe pse nuk zbulon shumë, në certifikatë ka një fakt interesant për datën në të cilën është ndarë nga jeta muzikanti.
Njëra datë i referohet kalendarit islamik të quajtur “HIXHRI” – sipas të cilit Dj është ndarë nga jeta më 8 prill. Kjo shpjegohet me arsyen se DJ ka vdekur në Oman. Sipas këtij dokumenti, religjioni i tij është shkruar “i krishterë”, me kombësi suedeze. Kjo certifikatë është lëshuar gjithashtu edhe në kalendarin gregorian, ku thuhet se Avicii ka vdekur më 20 prill 2018.
Sa për arsyen e vdekjes në moshën 28-vjeçare, në certifikatë thuhet se Dj ka prerë veten me një xham të thyer dhe si pasojë e hemorragjisë së lartë, nuk ka rezistuar dot.
