Ushtria izraelite njoftoi se ka lëshuar disa fletushka rreth Rripit të Gazës, duke paralajmëruar banorët palestinezë që të qëndrojnë larg kufirit me Izraelin, gjatë një proteste masive të planifikuar për të premten.
Zyrtarë të ushtisë janë duke pritur një numër të madh të protestuesve, duke shtuar mundësinë për konflikt.
Më shumë se 114 palestinezë janë vrarë nga forcat izraelite, si pasojë e protestave të palestinezëve javë më parë.
(VIDEO) Palestinezët e vrarë nga izraelitët, solidarizim me 4500 palë këpucë në Bruksel
Izraeli është përballur me kritika ndërkombëtare për përdorim të forcës ndaj protestuesve të paarmatosur.
Izraeli në anën tjetër ka akuzuar grupin militant, Hamas, duke thënë se ky i fundit ka përdorur protestat për të kryer sulme.
“Për të mirën tuaj, është më mirë nëse nuk merrni pjesë në protestat e dhunshme në kufi, mos i prishni ndalesat dhe mos lejoni që Hamasi t’iu përdorë”, thuhet në fletushkat e publikuara.
