Presidenti i Sirisë, Bashar Al Assad paralajmëroi një vizitë në Korenë e Veriut ku do të takojë liderin Kim Jong Un.
“Do të vizitoj Korenë e Veriut, ku do të takohem me liderin Kim Jong Un. Bota po i mirëpret ngjarjet e rëndësishme që po ndodhin në gadishullin korean të ndërmarra nga lidershipi i zgjuar i Kim Jong Unit”, - u shpreh presidenti Assad më 30 maj, por që u raportua sot nga agjencia koreano-veriore e lajmeve, KCNA.
Presidenti Asad i kishte bërë këto komente pasi kishte pranuar kredencialet nga ambasadori koreano-verior Mun Jong Nam.
Penjani dhe Damasku mbajnë marrëdhënie të mira, dhe monitoruesit e Kombeve të Bashkuara e akuzojnë Veriun për bashkëpunim me Sirinë mbi armët kimike, akuzë kjo të cilën Veriu e mohon.
Të dyja vendet përballen me izolim ndërkombëtar, Koreja e Veriut për shkak të programit të armëve bërthamore dhe Siria për taktikat e saj gjatë luftës së përgjakshme civile në vend.
