Jo vetëm Rita Ora, Bebe Rexha dhe Dua Lipa po bashkëpunojnë me emrat më të famshëm të muzikës. Me sa duket, një tjetër këngëtare shqiptare ka tërhequr vëmendjen e një këngëtari me famë botërore, siç është Chris Brown. Bëhet fjalë për këngëtaren Baby Gee, e cila njihet për stilin e veçantë në muzikë.
Chris Brown jo vetëm që e ndjek në Instagram këngëtaren shqiptare, por edhe i pëlqen fotot e saj. Pritet që shumë shpejt të ketë edhe një bashkëpunim mes dy këngëtarëve. Këtë gjë e ka pranuar vetë këngëtarja Baby Gee, e cila në një foto të postuar në Instastory, pyet ndjekësit e saj nëse janë gati për një këngë mes saj dhe Chris Brown. Me siguri që nëse kënga realizohet do të jetë një sukses i vërtetë për këngëtaren kuksiane.
