Nisi si një përpalsje mes ish-ministrit të drejtësisë Gazmend Bardhi dhe gazetarit Mustafa Nano. Shkak u bë një deklaratë e zyrtarit të PD-së se në Gjirin e Lalzit ka një vilë edhe drejtuesi i emisionit “Provokacija” në Abc News.
Bardhi: Vilë në Surrel ka Edi Rama nuk ka ndonjë nga opozita. Po flasim për përgjegjësinë ligjore të ministrit.
Nano: Pse për kunatin të mos flasim.
Bardhi: Jo të flasim për vilën tënde në Lalëz.
Nano: Për vilën time, vilën time, vilën e sat ëme…
Zyrtari i Partisë Demokratike tha se nuk ka asgjë të keqe që përmendet ajo vilë nëse është blerë me para të justifikuara. Analisti Mustafa Nano i është përgjigjur se vila është e justifikuar, por nuk i ka kursyer fyerjet ndaj ish-ministrit të drejtësisë duke e quajtur atë “idiot”, “kërriç” dhe zuzar”.
Nano tha se në Lalz ka parë të kenë vila edhe ish-kryeministri Sali Berisha, prokurorë dhe gjykatës.
Lexo edhe: VIDEO/ Plas sherri në “Opinion”: Vila e sat’ ëme! Idiot! Kërriç! Zuzar!
Pas këtij debati ka ndërhyrë me një koment në Facebook Berisha.
“Duke ndjekur Opinion! Përgënjeshtrim!
Miq, sonte, me gjuhen e nje banditi te pështirë, nje ish ish ish i imi fyeu me gjuhen e rrugaçit ordiner, halabakut te rrugve ndaj zotit Gazment Bardhi sapo ai permendi apartamentin e tij ne Lalz me para te dyshimta. Ndërkohë ky ish ishi ish i imi, qe i lejoi vetes gjuhen e horrrit trilloi dhe shpifi pafytyresisht per gjoja vile timen ne Lalz.
Lidhur me këtë shpifje, qe skllavi i Xhafes dhe Balles përsërit pafytyrësish nje trillim te tyre, deklaroj me përgjegjësi absolute se une dhe bashkëshortja ime kemi nje apartament ne Tirane pre 128 m2 dhe asnjë banese tjeter mbi toke! Vila ne Lalz eshte e dy familjeve te tjera, pra kunatit dhe dhëndrit tim!” – shkruan Berisha.
Ky mesazh i Berishës u lexua i plotë në “Opinion” duke bërë që Nano të reagojë sërish ashpër me fjalët “zog gomari”, etj. Gjuha e përdorur nga Mustafa Nano ka shkaktuar replika në studio pasi Fevziu dhe Shkullaku thanë se ajo ishte “e papranueshme”. ©LAPSI.al
https://www.youtube.com/watch?v=6NC4hi3sgaM
