Në ditën e inaugurimit të ambasadës së Shteteve të Bashkuara të Amerikës në Jerusalem, kanë ndodhur përleshje të dhunshme mes manifestuesve palestinezë dhe ushtrisë izraelite përgjatë barrierës mbrojtëse mes Gazës dhe shtetit hebraik.
Bilanci është 28 të vrarë dhe mbi 900 të plagosur, raporton BBC. Sipas agjencisë Maan, disa demonstrues kanë prerë telin me gjemba përpara barrierës në tentativë për të penetruar në pjesën hebraike. Ushtria i ka shtyrë pas me gaz lotsjellës.
Forca ajrore izraelite kishte hedhur fletushka në Rripin e Gazës duke i ftuar palestinezët që të qëndronin larg kufirit dhe të mos merrnin pjesë në aktivitete të dhunshme.
