Edhe pse ethet e Eurovisioni-t mbaruan të shtunën, polemikat vazhdojnë ende…
Një ndër temat më të diskutuara është padyshim ajo e tre shqiptarëve, të cilët konkurruan nën flamuj të ndryshëm. Pavarësisht kësaj ata e përkrahën njëri-tjetrin. Po ashtu edhe pikët e dhëna nga Shqipëria, shkuan për Ermalin(12 pikë) dhe Elenin(10 pikë).
Mesa duket kjo gjë nuk është pritur aspak mirë nga mediat greke, të cilat ditën e djeshme fajësuan Shqipërinë që Eleni doli në vendin e dytë, me pretekstin se nuk i dhanë 12 pikë.
Në një intervistë për mediat greke këngëtarja me origjinë shqiptare është pyetur se si është ndjerë që Shqipëria nuk i dha 12 pikë.
“Më dhanë 10 pikë, çfarë do të thuash? Ishim 3 shqiptarë, duhet të ndaheshin në njëfarë mënyre pikët, njëri do merrte 10 njëri do merrte 12”,- është shprehur këngëtarja.
