Fatmir Xhafaj ka pranuar incidentin e vëllait të përfshirë në një rrjet trafiku droge 15 vite më parë, dhe të dënuar me 7 vite me vendim të formës së prerë në Itali, por ka theksuar se kjo gjë nuk implikon qeverinë ku bën pjesë. Ai në një konferencë shtypi që nuk zgjati më shumë se 5 minuta dhe ku nuk pranoi asnjë pyetje nga gazetarët, tha se nga pala italiane nuk ka pasur asnjë kërkesë për ekstradimin e vëllait të tij, apo për vënien në punë të policisë për ta dërguar Agron Xhafës drejt shtetit fqinj. "Kjo është një çështje e zhvilluar në Itali, në kohën kur këta që sot e rizbuluan ishin në pushtet, dhe asnjëherë në asnjë rast, as qeveria e tyre, as Qeveria tjetër më pas dhe as kjo Qeveri nuk janë kontaktuar as shkresërisht, as informalisht nga autoritetet e një vendi tjetër për të kërkuar çfarëdoqoftë për këtë çështje" tha me ton ministri i brendeshem. “Duket e thjeshtë, por akoma unë nuk kam mundur të kuptoj se cili është problemi i personalitetit tim si njeri dhe si zyrtar në lidhje me çfarë bën, apo akoma më shumë se çfarë ka bërë para 15 vitesh im vëlla. Ndërkohë që nuk kam se si të kuptoj çfarë kërkohet sot tjetër përveç baltosjes sime, nëse në raport me këtë çështje as kam pasur e as kam asnjë lloj pushteti për të ndikuar në çfarëdolloj forme mbi të” tha ai.
Lexo më tej:
PD nxjerr dokumentin/ Si gënjeu Fatmir Xhafaj për vëllain e dënuar për drogë në Itali
VIDEO/ Çfarë ka thënë Fatmir Xhafaj për të vëllain Agronin, i dënuar për kokainë në Itali
I futuar në televizionin ABC, Enkelejd Alibeaj që bëri këtë mëngjes denoncimin dhe publikimin e dokumentave kundër vëllait të ministrit, theksoi aty për aty se kjo është një alibi, pasi Agron Xhafa është dënuar me vendim të formës së prerë dhe policisë i lind detyrimi logjor që ta kapë dhe ta dërgojë atë përtej Adriatikut.
©Lapsi.al
