Duke u nisur nga një deklaratë e ministrit të Brendshëm, Fatmir Xhafaj, në shtator 2017 në Kuvend, se nuk ka prova që ta implikojnë vëllain e tij si një trafikant droge, Partia Demokratike ka nxjerrë sot dokumentat italiane që vërtetojnë dënimin e tij nga gjykata e Kasacionit të këtij vendi në 25 shator 2012.
PD ka treguar sot dokumentat italiane që pohojnë se Agron Xhafa është dënuar me 7 vite burg me një vendim të formës së prerë.
Lexo më tej:
Xhafaj përgjigjet për vëllain: Çpunë kam unë çka bërë ai 15 vite më parë
VIDEO/ Çfarë ka thënë Fatmir Xhafaj për të vëllain Agronin, i dënuar për kokainë në Itali
hafaj për të vëllain Agronin, i dënuar për kokainë në ItaliNë një rast ai është filmuar teksa merr 1 kg heroinë dhe ia jep një agjenti të infiltruar të DEA-s. "Në operacionin e drogës merrte pjesë si i infiltruar një agjent i DEA-s, të cilit iu dërgua 1 kg heroinë që e siguroi Agron Xhafaj”, tregoi ish ministri i Drejtësisë, Gazmend Bardhi.
"Agron Xhafaj është dënuar ne shtator 2012 për pjesëmarrje në grup kriminal për trafik ndërkombëtar mes Europës dhe SHBA-së për drogën. Marrëveshja ishte për shkëmbim të drogës mes grupeve", shtoi ai. Ndërsa ish ministri tjetër i Drejtësisë në qeverinë Berisha, Enkeled Alibeaj ngriti pikpyetjet politike që vijnë natyrshëm pas nxjerrjes së këtyre dokumentave.
A ka përgjegjësi ministri i Brendshëm dhe institucioni që ai drejton, në identifikimin e personave të denuar në mungesë dhe t'i kapë ata?
A e ka përfshirë Fatmir Xhafa, Agronin në listën e personave me skedë kriminale?
A është Agron Xhafa person nën vëzhgim nga policia?
A është familja Xhafaj, një nga familjet mafioze që veprojnë në Shqipëri?
Pse nuk ka kërkuar nisjen e proceduarave për arrestimin dhe ekstradimin e këtij trafikanti të dënuar në Itali me vendim të formës së prerë?
©Lapsi.al
