Eleni Foureira është një prej 3 shqiptarëve të cilët do të konkurojnë këtë vit në finalen e Eurovision, duke përfaqësuar Qipron. Por Eleni e pati rrugëtimin disi më të vështirë, pasi Greqia, të cilin ajo e quan atdheun e saj e kritikoi ashpër pasi bëri simbolin e flamurit së bashku me Eugent Bushpepën. Por pavarësisht se ajo shkëlqeu dje teksa performonte këngën Fuego, diçka e ka trishtuar këngëtaren. Bëhet fjalë për eliminimin e Greqisë nga finalja, gjë e cila e ka trishtuar Foureirën.
Yianna Terzi mesa duket nuk e bindi publikun evropian për ta kaluar në natën finale ndërsa mediat greke kanë treguar pamjet e këngëtares në lot pas mbarimit të festivalit. Ajo është pritur me duartrokitje nga ekipi ndërsa nuk ka mbajtur dot lotët. Po Eleni çfarë tha për fqinjët? Këngëtarja rrëfeu se në fillim nuk po kuptonte asgjë nga zhurma në vendin ku rrinin gjithë artistët dhe se e kishin njoftuar anëtarët e ekipit të saj se Greqia nuk është në finale.
“U mërzita shumë, shumë, shumë. Është atdheu im’’ – tha ajo për gazetarët grekë në skenën e Eurovision.
