Pak muaj më parë, Vesa Luma u zhvendos në brigjet e largëta të Zelandës së Re, ku iu bashkua bashkëshortit të saj, Big Basta, i cili ishte shpërngulur më parë.
E pamë herë pas here në studio muzikore, por akoma nuk kishim një informacion më të saktë se çfarë po përgatiste dyshja e njohur.
Vesa Luma sapo është zyrtarizuar ditën e sotme si antarja më e re e Akademisë Muzikore të njohur ndërkombëtarisht, “Eliettes Music Academy”, e cila është me qendër në SHBA dhe me filiale në vende të tjera.
Në site-n e akademisë jepet një përshkrim i detajuar i karrierës së Vesës, ku ndër të tjera thuhet: “Vesa ka publikuar 2 albume, 19 videoklipe, ka fituar më shumë se 20 çmime dhe ka performuar në mbi 200 koncerte në botë”
“Përveç karrierës muzikore, Vesa ka edhe një karrierë në telvizion si moderator dhe producente e një Tv Show të sajin në Kosovë”, – shkruan Akademia.
Luma do të trajnojë këngëtarët e rinj në zhanerin muzikor të këndimit dhe korit.
