Pasi e ka quajtur Erdoganin vëlla, pasi e ka shpallur Turqinë aleat strategjik, pasi ka kërcyer në dasmën e vajzës së sulltanit të ri otoman, pas i ka shkuar pas në votimin antiamerikan për njohjen e Jeruzalemit si kryeqytet i Izraelit, Edi Rama është rreshtuar me presidentin turk edhe në konfliktin që e ndan atë me vëllain armik, Fetullah Gylen.
I futuar dje në studion e Ilva Tares, Edi Rama i ka quajtur gylenistët një rrjet të rrezikshëm të cilët Shqipëria i mban nën vëzhgim. Ai nuk ka përmendur asnjë herë as emrin e klerikut që strehohet në Pensilvani, as atë të fondacionit të tij FETO, por gjithçka bëhet e qartë sepse pyetja e gazetares ishte direkt për gylenistët dhe se dihet se kë akuzon Erdogani për grushtin e shtetit të korrikut 2015.
Për herë të parë Rama ka çuditur me përgjigjet e tij. I pyetur për rrjetin FETO ai e ka quajtur atë një organizëm që tentoi përmbysjen e një pushteti të zgjedhur, me rrugën e dhunës dhe të armëve. Ai e quajti atë “një rrjet i rrezikshëm” dhe shtoi se shteti shqiptar i mban ata në vëzhgim.
Lexo më tej:
Erdogan kërkon ekstradimin e 450 “gylenistëve” nga Shqipëria
Pas Kosovës radha e Shqipërisë. Plani i Erdoganit kundër gylenistëve
Hija e Erdogan në Tiranë/ Shitet për 10 milionë euro kolegji Turgut Oza që financohej nga Gylen
Por, problemi është se përpos akuzave të Erdoganit, Gyleni i ka mohuar me këmbëngulje aludimet për implikimin e njerëzve të tij në grushtin e shtetit ku mbetën të vdekur 250 qytetarë. Të njëjtin qëndrim e ka mbajtur deri më tani edhe SHBA dhe BE, të cilët nuk i kanë quajtur të besueshme përfundimet e një regjimi aspak demokratik si ai që mbretëron në Ankara.
Por, pa pyetur për to, Rama ka marë i vendosur anën e së vërtetës së Erdoganit. Megjithatë kur gazetarja ka këmbëngulur nëse do të përsëritet skenari kosovar i ekstradimit të gylenistëve? A i është kërkuar ai kryeministrit shqiptar dhe a do ta bënte ai një gjë të tillë?, Rama ka refuzuar të përgjigjet.
Kujtojmë se edhe SHBA edhe BE e dënuan me forcë skenarin e kurdisur në Prishtinë nga Hashim Thaçi, duke u shprehur hapur kundër vullnetit diktatorial të sulltanit të ri të Stambollit.
©Lapsi.al
https://www.youtube.com/watch?v=g8NZAs76Mm4&feature=youtu.be
