Duke qenë se Mariza mori pjesë edhe në këtë edicion të fundit të Festivalit të Fundvitit por nuk arriti të fitonte çmimin e parë, ajo u pyet nga “Thumb” se çfarë mendon për mënyrën se si zhvillohen votimet në konkurset tona muzikore dhe a ishte dakord që kënga e Eugent Bushpepës të shkonte në Eurovizion.
Mariza u shpreh se vetë nuk ka dijeni, por dëgjon se zakonisht fituesit vendosen paraprakisht por në rastin e Eugentit ajo është plotësisht dakord (edhe nëse ka qenë vendosur më parë) sepse sipas saj ai është ndër këngëtarët më të mirë. Ndërkohë si performancat më të mira që Shqipëria ka çuar në Eurovizion, Mariza veçoi ato të Ju,iana Pashës dhe Kejsi Tolës ndërkohë që kur u pyet për Elhaida Danin, këngëtarja tregoi se nuk i pëlqeu përfaqësimi i saj pasi priste nga Elhaida më shumë duke qenë se ajo ka më shumë potencial se sa aq.
