Talenti shqiptar, Ermal Meta, i cili do të përfaqësoj Italinë në festivalin Europian të këngës këto kohë ka treguar diçka më tepër për jetën e tij, pasionet dhe të ardhmen. Në një intervistë për prestigjozen italiane ‘Vanity Fair Italia’ këngëtari ka pohuar se shpesh ka nevojë të largohet për pushime dhe t’i jap vetes pak kohë.
Për vitin tjetër ai ka pohuar se nuk do të ketë as koncerte, as udhëtime pune, vetëm për pushime. Ai ka nevojë të udhëtojë drejt Amerikës, Islandës apo Indisë, vende këto që e frymëzojnë atë.
Ermal Meta shprehu dëshirën e tij për të shkruar edhe një libër për jetën në Indi dhe siguroi për fansat se albumi i tij i radhës do të jetë i frymëzuar nga tingujt oriental.
Këto tre vitet e fundit për të kanë qenë tepër të lodhshme ndaj ai ka nevojë të marri pak kohë pushim, për t’u frymëzuar dhe për t’u ndjerë i lirë, pasi shpesh nuk e ndjen veten të tillë për shkak të punëve të shumta që ka.
