Leonardo DiCaprio ka blerë shtëpinë e DJ dhe producentit Moby për një vlerë prej 4.91 milionë dollarësh. Shtëpia ndodhet në zonën e Los Feliz në Los Angeles, ajo është e arreduar me stil anglez dhe ka pesë dhoma gjumi dhe tetë banjo. Moby e ka blerë shtëpinë në vitin 2016 për 3.4 milionë dhe prej atëherë ka bërë shumë rinovime. Shtëpia luksoze është e pajisur me dhomë muzike, kuzhinë moderne, pishinë, spa, si dhe me një hyrje sekrete. Ajo është ndërtuar në vitin 1926 dhe janë ruajtur shumë element që prej asaj kohe.
