Senati amerikan konfirmoi ditën e sotme ish-drejtorin e CIA-s, Mike Pompeo në postin e Sekretarit të Shtetit megjithë kundërshtimet e demokratëve.
Këta të fundit kanë vënë në pikëpyetje disa qëndrime të Pompeos të vijës së ashpër në politikën e jashtme dhe disa deklarata rreth grupeve të pakicave.
Sekretari i ri, Pompeo do të zëvendësojë Rex Tillerson, i cili u shkarkua muajin e kaluar nga Presidenti Donald Trump.
Republikanët ishin të bashkuar në mbështetjen për zotin Pompeo, ndërkohë që demokratët, përveç katër prej tyre, kishin njoftuar se do të votonin kundër konfirmimit.
