Në Tiranë po zhvillohet një debat i zjarrtë nëse një pjesë e deputetëve të djathtë të Bundestagut e bojkotuan darkën e shtruar nga ambasada shqiptare në Berlin për nder të vizitës së Ramës. Mediat pranë PD-së kanë dhënë versionin e tyre duke gjetur madje edhe shkakun e bojkotit: Restoranti shumë i shtrenjtë që ka rrevoltuar ligjvënësit gjermanë. Ato shtuan madje se Rama ka mbetur në tryezë vetëm me Fugën dhe Taulant Ballën.
Krahu i qeverisë e ka hedhur poshtë këtë lajm duke nënvizuar se ky është një "fake news" i prodhuar nga zyrat e opozitës.
Po si qëndron e vërteta?
Atë ka në dorë ta zbardhë vetëm Edi Rama dhe stafi i tij. Ata kanë botuar gjatë ditës së sotme një album të plotë fotografish (fotot poshte) nga takimet me Merkelin, kreun e parlamentit Schäublen, deputetët social demokratë dhe ata konservatorë, madje edhe me armikun e shpallur Günther Krichbaum.
Po në këtë album mungonin vetëm fotot nga darka e shumë diskutuar. Rama dhe stafi i tij mund t'i botojnë edhe këto foto nga darka e famshme për të zbardhur realisht se me kë ka trokitur gotat kryeministri në Berlin.
©Lapsi.al
https://youtu.be/D4AEw0OcKsU
