Të paktën gjashtë policë u vranë dhe 15 anëtarë të forcave të sigurisë u plagosën pas një atentati të trefishtë kamikaz sot në mbrëmje në Quetta, kryeqytet i Balukistanit, provincë e paqendrueshme në jug të Pakistanit, bënë të ditur burime të policisë.
"Kamikazi i parë hodhi veten në erë pranë një pike kontrolli pranë kampit ushtarak ‘Frontier Corps’, pasi u zbulua nga rojat’”, deklaroi Ghulam Ali Baloch, ministri i Brendshëm i Balukistanit.
“Një tjetër kamikaz, i cili mbulonte të parin, ka shkëmbyer zjarr me forcat e sigurisë dhe më pas ka aktivizuar lëndën plasëse që mbante në trup duke plagosur tetë ushtarë”, shtoi ai.
"Rreth gjymë orë më pas, një kamikaz i tretë ka goditur një kamion të policisë me motorin e tij në rrugën e aroportit duke vrarë të paktën tetë policë”, sipas Baloch. “Shtatë policë të tjerë u plagosën në atentatin e fundit”, shtoi ai.
