Ditën e sotme ka qarkulluar lajmi se supermodelja e njohur Angela Martini, do të prezantonte një emision të ri në Top Channel. “Top of the Top”, emisioni më i ri në Top Channel do të ketë 12 puntata dhe do të ketë në qendër personazhe të njohur shqiptarë që jetojnë jashtë vendit. Njëra prej tyre është edhe Angela Martini, e cila do të jetë prezente në një nga puntatat.
Pra Angela nuk do të jetë prezantuesja por një nga të ftuarat. Këtë informacion e ka mësuar Revista Who, e cila shkruan se moderatorja e këtij emisioni do të jetë motra e Dren Abazit, Rina. Sipas Who, Rina do ta drejtojë këtë program të ri në Top Channel, ku do të ketë të ftuar gjithashtu edhe modelen me famë ndërkombëtare Emina Çunmulaj.
