I vendosur në krah të shefes të diplomacisë europiane, për të celebruar dhënien e rekomandimit për hapjen e negociatave, kryeministri Rama nuk ka harruar të shigjetojë opozitën. Megjithëse u mundua të tregohet politikisht korrekt dhe të thotë se kjo është një fitore e të gjithëve, të përsërisë ftesën për bashkëpunim me Bashën, Rama nuk e harroi zakonin e vjetër të helmëhedhjes.
“Dua t’i lutem opozitës jo si kryeminister, aq me pak si kreu i PS, që mos punojne me faktore të huaj politikë që kërkojnë t’a pengojnë procesin e integrimit të Shqiprise drejt BE” tha ai duke I’u lutur kundërshtarëve “të mos ushqejnë zyra deputetesh me gënjeshtra dhe gjysëm te vërteta” port ë flasin të gjithë gjuhën kuq e zi përpara të huajve.
Gjithësesi Rama e la evaziv faktin se çfarë kupton me ata që i quan me “faktore të huaj politikë që kërkojnë t’a pengojnë procesin e integrimit të Shqiprise drejt BE”. Disa me to mund të kuptojnë sipas dëshirës politikat e Rusisë për të cilat qeveria e ka akuzuar fort kohët e fundit PD-në, ndërsa disa të tjerë me to mund të kuptojnë bashkëpunimin me qarqet eurofobe.
©Lapsi.al
