Një aksident i rëndë me tre viktima ndodhi në orët e para të mëngjesit në rrugën nga Tepelena në Levan. Një mjet tip Suzuki ku udhëtonin 4 persona doli nga rruga dhe ra në kanalin me ujë në anë të rrugës.
Për pasojë tre udhëtarë, një grua dhe dy burra humbën jetën si pasojë e përplasjes. Mësohet se viktimat janë Fisnik dhe Agustin Murataj, dy kushërinj dhe e fejuara e Fisnikut, një vajzë me origjinë franceze e quajtur Ansia dhe që jetonte me dy viktimat në Greqi.
Mësohet se viktimat ktheheshin nga një dasëm dhe drejtuesi i mjetit është përpjekur të shmangë një gropë në rrugë, kur makina ka dalë nga rruga dhe ka përfunduar në kanal.
Lapsi.al ka sjellë disa pamje nga vendi i ngjarjes, ku duket momenti i nxjerrjes së mjetit nga kanali dhe momenti i nxjerrjes së një prej trupave nga makina.
Operacioni për nxjerrjen e trupave ka qenë i vështirë. Mendohet se shkak për aksidentin është bërë shpejtësia e mjetit, ndërsa i vetmi person i shpëtuar nga aksidenti ka qenë i traumatizuar dhe është dërguar në spital.
[video width="720" height="480" mp4="https://cdnimpuls.com/lapsi.al/wp-content/uploads/2018/04/Timeline-1.mp4"][/video]
http://www.dailymotion.com/video/x6hj9lt
