Një furgon u përplas me turmën e kalimtarëve në qytetin Munster në Gjermani. Bilanci zyrtar është i viktimave është 2 të vdekur dhe 20 të plagosur nga të cilët 6 janë në rrezik për jetën. Autori i sulmit më pas vrau veten përpara se të mbërrinte policia.
Sipas “Sueddeutsche Zeitung”, ai është Jens R. një gjerman 48-vjeçar me probleme psiqike. Edhe në të kaluarën në vitin 2014 dhe në 2016-ën ai ishte vënë re për problemet e tij. “Nuk ka shenja për një sulm terrorist” – shkruan e përditshmja gjermane.
“Në fillim agjentët patën frikë se furgoni i lëshuar mbi turmën mund të kishte eksplozivë në brendësi” - raporton televizioni gjerman NTV.
“Jemi të angazhuar në terren me të gjitha forcat tona në dispozicion të qytetarëve” – thuhet në njoftimin e policisë gjermane në faqen e saj në Twitter.
“Situata është ende e paqartë. Ju lutemi të mos spekuloni” – vijon deklarata në lidhje me autorin e masakrës. Burimet e medieve gjermane thonë se po hetohet për lidhjet e autorit dhe nëse ai është përdorur për të kryer këtë akt.
LEXO EDHE: Sulm terrorist në Gjermani/ Furgoni hyn mes turmës, 3 të vrarë mbi 50 të plagosur
Kryebashkiaku i Muenster, Markus Lewe tha se autoritetet nuk i dinë ende motivet e ngjarjes dhe se kush qëndron pas shoferit të furgonit. Ai u përplas me klientët e barit të njohur “Kiepenkerl” në qendrën historike të qytetit.
“I gjithë qyteti qan sot për këtë krim të rëndë. U qëndrojmë pranë familjarëve të viktimave ndërsa urojmë shërim të shpejtë për të plagosurit” – e mbylli kryebashkiaku. ©LAPSI.al
https://www.youtube.com/watch?v=bYfUZc3NQ0I
