SHBA-të duhet të frikësohen nga lidhjet ushtarake të Kinës me Rusinë, të cilat po bëhen gjithnjë e më të ngushta.
Kështu u shpreh ministri i ri i Mbrojtjes së Kinës, Gjenerali Wei Fenghe, pas një takimi me ministrin rus të mbrojtjes.
“Unë jam duke vizituar Rusinë si një ministër i ri i Mbrojtjes në Kinë, për t’i treguar botës një nivel të lartë të zhvillimit të marrëdhënieve tona bilaterale dhe vendosmërisë së forcave tona të armatosura për të forcuar bashkëpunimin strategjik”, tha Wei, shkruan tvKlan.
“Pala kineze ka ardhur (në Moskë) për t’u treguar amerikanëve lidhjet e ngushta midis forcave të armatosura të Kinës dhe Rusisë … ne kemi ardhur për t’ju përkrahur”.
Wei shtoi se Pekini është i gatshëm të shprehë me Moskën “shqetësimet e përbashkëta dhe qëndrimin e përbashkët për problemet e rëndësishme ndërkombëtare në vendet ndërkombëtare”.
Putini pritet të vizitojë Kinën më vonë gjatë këtij viti, në takimet e tij të para me zyrtarë të lartë kinezë që kur u zgjodh për një mandat të katërt.
