Peshëngritësi shqiptar, Briken Calja, është renditur i pari në stilin e shkëputjes në Europianin e Peshëngritjes që po zhvillohet në Rumani, duke marrë medalje ari.
Briken Calja arriti të ngrejë në këtë stil 146 kilogramë. Ndërkohë ende nuk është zhvilluar stili i shtytjes. Peshëngritësi tjetër shqiptar, Arbëri Çerçizi është renditur i shtati.
Nga Shqipëria, Erkand Qerimaj nuk do të marrë pjesë në këtë Europian të peshëngritjes. 29-vjeçari është tërhequr nga gara pas një shqetësimi në gju. Do të mungojnë edhe Evangjeli Veli dhe Romela Begaj të pezulluara për doping.
