Edhe pse interesat e Turqisë mbi sigurinë i quan legjitime, kancelarja gjermane, Angela Merkel ka kritikuar ofensivën e ushtrisë turke ndaj militantëve kurdë, në qytetin sirian, Afrin.
“Pavarësisht, interesave legjitime që ka Turqia mbi sigurinë, është e papranueshme ajo çfarë po ndodh në Afrin, ku mijëra civilë po përndiqen, po vdesin ose po detyrohen të largohen”, u shpreh Merkel, gjatë një fjalimi në Parlament.
“Ne dënojmë fuqishëm këto veprime”, shtoi Merkel.
Turqia ka nisur ofensivë ushtarake në Afrin, kundër militantëve kurdë të Sirisë, të cilët i konsidereron terroristë. Ankaraja thotë se ata kanë lidhje me kryengritësit kurdë brenda Turqisë.
Turqia ka deklaruar se ka marrë nën kontroll qytetin Afrin të Sirisë.
