Dy të moshuar dhe një punonjës i repartit të zjarrfikësve kanë mbetur të lënduar, teksa flakët kanë përfshirë një apartament. Ngjarja ka ndodhur në lagjen numër 17, tek pallatet sociale. Mësohet se në apartament ndodheshin dy të moshuarit Gëzim dhe Mynyre Tafruci.
Në video duket momenti kur të dy të moshuarit janë nxjerrë nga banesa dhe po iu jepet ndihma e parë përpara pallatit. Ata janë të shtrirë në rrugë. Banorët mundohen t’ju vijnë në ndihmë me ç’të munden.
Ndërkohë pak metra pas tyre qëndron zjarrfikësi hero, që për të shpëtuar gati rrezikoi jetën. Edhe këtij të fundit po i jepet ndihma e parë
Zjarri është pikasur nga fqinjët të cilët kanë njoftuar repartin e zjarrfikësve. Gjate ndërhyrjes ka mbetur i lënduar edhe një punonjës i zjarrfikëses me emrin Arjan Kertusha.
Ende nuk dihen shkaqet e rënies së zjarrit, por policia dyshon që Ka qene një cigare e lënë ndezur nga i moshuari. Ata janë dërguar në spital ku ndodhen jashtë rrezikut për jetën, nën kujdesin e mjekëve.
https://youtu.be/dNK3K_iRt8s
