Sekretari tashmë i shkarkuar i Shtetit, Rex Tillerson deklaroi se po delegon të gjitha përgjegjësit e tij tek zv.Sekretari i Shtetit, John Sullivan, dhe se funksioni i tij do të përfundojë në mesnatën e 31 marsit.
Duke folur nga dhoma e shtypit në Departamentin e Shtetit, Tillerson vuri në dukje disa arritje në politikën e jashtme, si bisedimet që priten në Korenë e Veriut apo armëpushimin në Siri.
“Tani do të kthehem në jetën private, si një qytetar privat, si një amerikan krenar, krenar për mundësinë që unë kam dashur t’i shërbej vendit tim”, u shpreh Rex Tillerson.
